Վարչապետ Նիկոլ Փաշինյանը հեռախոսազրույց է ունեցել Եվրոպայի խորհրդի գլխավոր քարտուղար Ալեն Բերսեի հետ: Զրուցակիցները քննարկել են Հայաստան-ԵԽ գործընկերությանը, ինչպես նաև տարածաշրջանային կայունությանը վերաբերող հարցեր։ Անդրադարձ է կատարվել Հայաստանի և Ադրբեջանի միջև խաղաղության պայմանագրի շուրջ քննարկումների ընթացքին:

Վրաստանի խորհրդարան անցած ընդդիմադիր ուժերը միասնական հայտարարություն են տարածել՝ նշելով, որ չեն ընդունում դեկտեմբերի 14-ին անցկացվելիք նախագահական ընտրությունները: «Միակ լեգիտիմ պետական ինստիտուտը Վրաստանի նախագահն է։ Սալոմե Զուրաբիշվիլին մնում է Վրաստանի նախագահ, զինված ուժերի գերագույն գլխավոր հրամանատար և արտաքին հարաբերություններում երկրի բարձրագույն ներկայացուցիչ»,– ասված է նրանց համատեղ հայտարարության մեջ: Քաղաքական ճգնաժամից դուրս գալու միակ ելքը նրանք […]

ԱՄՆ նախագահ Ջո Բայդենը ներում կշնորհի մոտ 1500 հոգու՝ մեղմացնելով դատավճիռը։ Ներում կշնորհվի նաև ոչ բռնի հանցագործությունների համար դատապարտված 39 հոգու. հայտնում է CNN-ը։ Ըստ լրատվամիջոցի՝ սա նշանակում է նախագահական ներման իրավունքի լայն կիրառում Բայդենի վարչակազմի պաշտոնավարման ավարտից ընդամենը մի քանի շաբաթ առաջ: «Նրանք մարդիկ են, որոնք աշխատանք են ստացել, բարձրացրել իրենց կրթական մակարդակը, հոգ […]

ՀՀ ԱԳՆ-ից հայտնում են, որ Դամասկոսում ՀՀ դեսպանության դիվանագիտական անձնակազմը և Հալեպում ՀՀ գլխավոր հյուպատոսն աշխատանքն այս պահին շարունակում են Բեյրութից: ՀՀ դեսպանության կողմից ցուցաբերվում է անհրաժեշտ աջակցություն, այդ թվում՝ Սիրիայից ժամանած հայերին վիզան անվճար տրամադրելու միջոցով:

Հայաստանում կան 218 հազար անձինք, որոնք 1 միլիոն դրամ և դրանից պակաս առնվազն 3 տարի շարունակ անհուսալի վարկային պարտավորություններ ունեն։ Կառավարությունը նրանց համար պետական աջակցության ծրագիր է ներդնելու։ Որոշումն ընդունվեց գործադիրի դեկտեմբերի 12-ի նիստում։ Այս անձինք բանկային համակարգի սև ցուցակներում են, դատական ակտերի հարկադիր կատարման հետ խնդիրներ ունեն։ Աջակցության ծրագրով այս անձինք կարող են ֆորմալ […]

«Քաղաքացիական պայմանագիր» կուսակցության արտաքին կապերի պատասխանատու Նարեկ Մկրտչյանը ֆեյսբուքյան իր էջում գրել է. «Որպես «Քաղաքացիական պայմանագիր» կուսակցության արտաքին կապերի պատասխանատու Լոնդոնում հանդիպում եմ ունեցել Միացյալ Թագավորության խորհրդարանի անդամ, Լեյբորիստական կուսակցության խմբակցության ղեկավար Ջեսիկա Մորդենի հետ։ Հանդիպմանը մասնակցել է նաև պատգամավոր Քրիստոֆեր Լոուն։ Քննարկել և պայմանավորվածություն ենք ձեռք բերել քայլեր ձեռնարկել միջկուսակցական կապերի հաստատման ուղղությամբ․ անդրադարձել […]

ՌԴ նախագահ Վլադիմիր Պուտինն ԱՄՆ նորընտիր նախագահ Դոնալդ Թրամփի երդմնակալությանը մասնակցելու հրավեր չի ստացել. այս մասին հայտարարել է նախագահի խոսնակ Դմիտրի Պեսկովը։ «Թրամփի երդմնակալության արարողությանը մասնակցելու հրավեր Պուտինին չի ուղարկվել»,- նշել է նա։ Հիշեցնենք՝ Թրամփի երդմնակալությունը տեղի կունենա 2025թ. հունվարի 20-ին։