Թուրքիայի նախագահ Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։ Ինչպես հայտնում է ermenihaber-ը՝ բովանդակային առումով Էրդողանի ուղերձը էականորեն չի տարբերվում նախորդ տարիների ուղերձների տեքստից։ «Այսօր ևս մեկ անգամ հարգանքով եմ հիշում Առաջին համաշխարհային պատերազմի ծանր պայմաններում իրենց կյանքը կորցրած Օսմանյան կայսրության հայ քաղաքացիներին և իմ ցավակցությունն եմ հայտնում նրանց թոռներին։ Ողջունում […]

Այսօր Հայոց ցեղասպանության զոհերի հիշատակին հարգանքի տուրք է մատուցել ՀՀ-ում Բելգիայի Թագավորության արտակարգ և լիազոր դեսպան Էրիկ դե Մույնքը: X-ի իր միկրոբլոգում նա գրել է. «Այլևս երբեք»։ «Ի հիշատակ 1915-23 թվականների անմեղ հայ զոհերի՝ ներկա եղա Ծիծեռնակաբերդի ցեղասպանության հուշահամալիրում Հայոց ցեղասպանության 109-րդ տարելիցի ոգեկոչմանը»,- գրել է դեսպան Էրիկ դե Մույնքը։

ՀՀ պաշտպանության նախարար Սուրեն Պապիկյանը ՀՀ բարձրագույն ղեկավարության հետ Հայոց ցեղասպանության զոհերի հիշատակի օրվա կապակցությամբ այցելել է Ծիծեռնակաբերդի հուշահամալիր, հարգանքի տուրք մատուցել Մեծ եղեռնի 1,5 միլիոն զոհերի հիշատակին: Այդ մասին տեղեկանում ենք պաշտպանության նախարարի Ֆեյսբուքի էջից: «Ծաղկեպսակներ ենք դրել հուշակոթողին, ծաղիկներ խոնարհել Հայոց ցեղասպանության զոհերի հիշատակը հավերժացնող անմար կրակի մոտ»,- նշված է գրառման մեջ:

Հայոց ցեղասպանության զոհերի հիշատակի օրվա կապակցությամբ ՀՀ-ում ՌԴ դեսպանությունը Տելեգրամ ալիքում գրառում է կատարել. «Ապրիլի 24-ը Օսմանյան կայսրությունում Հայոց ցեղասպանության զոհերի հիշատակի օրն է: Սգում ենք հայ ժողովրդի հետ միասին»,- ասված է գրառման մեջ:

ՀՀ երրորդ նախագահ Սերժ Սարգսյանն ուղերձ է հղել Հայոց ցեղասպանության զոհերի հիշատակի օրվա կապակցությամբ: «20-րդ դարասկզբին Օսմանյան կայսրության իրագործած Հայոց ցեղասպանությունը տեղի ունեցավ առաջադեմ մարդկության աչքի առջև, քաղաքակիրթ պետությունների անտարբերության, լռության և անգործության պայմաններում: Բռնի տեղահանվեց, հայրենազրկման, զանգվածային կոտորածների ենթարկվեց մեկուկես միլիոն հայ, ոչնչացվեց հազարամյակներով ստեղծված հայկական ժառանգության զգալի մասը: Թուրքիան, չնայած ակնհայտ բազմաթիվ փաստերին, […]

Եվրոպական խորհրդարանի՝ Կիպրոսը ներկայացնող պատգամավոր Կոստաս Մավրիդեսն X-ի իր միկրոբլոգում գրել է. «Հայոց ցեղասպանությունը ոչ միայն պետք է քննարկվի որպես պատմական հիշողության իրադարձություն, այլ որպես դաս ներկայի ու ապագայի համար: Հարցը միայն Ցեղասպանությունը իրադարձությունից հետո դատապարտելը չէ, այլ պետք է անել անհրաժեշտ ամեն ինչ դրա կրկնությունը կանխելու համար»,- գրել է կիպրոսցի պատգամավորը։

ՀՀ Ազգային ժողովի նախագահ Ալեն Սիմոնյանը, ՀՀ վարչապետ Նիկոլ Փաշինյանը, Հանրապետության նախագահ Վահագն Խաչատուրյանը, Ազգային ժողովի «Քաղաքացիական պայմանագիր» խմբակցության պատգամավորները եւ պաշտոնատար այլ անձինք ապրիլի 24-ին Ծիծեռնակաբերդի հուշահամալիրում հարգանքի տուրք են մատուցել Հայոց ցեղասպանության 1,5 միլիոն զոհերի հիշատակին: Ալեն Սիմոնյանը, Նիկոլ Փաշինյանը եւ Վահագն Խաչատուրյանը ծաղկեպսակ են դրել ու ծաղիկներ խոնարհել Հայոց ցեղասպանության զոհերի հիշատակը […]