Թուրքիայի նախագահ Ռեջեփ Թայիփ Էրդողանը Ադրբեջանի նախագահ Իլհամ Ալիևի հրավերով սեպտեմբերի 25-ին կայցելի Նախիջևան: Սպասվում են բանակցություններ երկու երկրների առաջնորդների և պատվիրակությունների միջև: Կքննարկվեն Բաքվի և Անկարայի միջև երկկողմ հարաբերությունների օրակարգային հարցերը, ինչպես նաև տարածաշրջանային և միջազգային զարգացումները:

Ադրբեջանի իշխանությունները հատուկ կառավարական խումբ են ստեղծել Լեռնային Ղարաբաղի ինտեգրման հետ կապված հարցերի լուծման համար: Այս մասին Politico պարբերականին տված հարցազրույցում հայտարարել է Ադրբեջանի նախագահի օգնական Հիքմեթ Հաջիևը: Նրա խոսքով՝ խումբը զբաղվելու է հումանիտար, տնտեսական եւ սոցիալական հարցերի լուծմամբ, որոնք կապված են Լեռնային Ղարաբաղի և էթնիկ հայերի՝ Ադրբեջանի կազմ մտնելու հետ:

Իրանի արտաքին գործերի նախարար Հոսեյն Ամիր Աբդոլլահիանը Մոսկվայում Սիրիայի և Թուրքիայի միջև հարաբերությունների կարգավորման քառակողմ մեխանիզմի շրջանակներում կայացած բանակցություններում առաջարկել է Մոսկվային և Թեհրանին հանդես գալ որպես Դամասկոսի և Անկարայի անվտանգության երաշխավոր։  Այս մասին նա հայտարարել է իրանական արաբալեզու Al-Vefagh թերթին տված հարցազրույցում։ «Թուրքիան առաջարկում է, որ Սիրիան և Թուրքիան այս քառակողմ հանդիպման ժամանակ համաձայնեն, […]

Իրանի արտգործնախարար Հոսեյն Աբդոլահյանը ասուլիս է տվել, որտեղ ի թիվս այլ հարցերի անդրադարձել է նաև այսպես կոչված «Զանգեզուրի միջանցքի» խնդրին։ Աբդոլահյանը, մասնավորապես, հայտարարել է. «Իրանը թույլ չի տալիս սահմանափակել կամ փակել Հայաստանը Իրանին կապող իր պատմական ճանապարհն այս տարածաշրջանում»։ 

ԱՄՆ-ն պատժամիջոցներ է սահմանել Վրաստանի նախկին գլխավոր դատախազ Օթար Պարցխալաձեի նկատմամբ։ Associated Press-ը գրել է պատժամիջոցների մասին և Պարցխալաձեին անվանել «վրաց-ռուսական օլիգարխ»։ Ինչպես նշված է ամերիկյան ֆինանսների նախարարության կայքում, Պարցխալաձեն Ռուսաստանի քաղաքացիություն ունի։ ԱՄՆ պետդեպարտամենտը հավելյալ նշում է, որ Պարցխալաձեի դեմ պատժամիջոցները կապված են Վրաստանում ռուսական ազդեցության ուժեղացման հետ։  «Պարցխալաձեն պարբերաբար այցելում է Ռուսաստան, և […]

Իրանի պաշտպանության նախարար, բրիգադային գեներալ Մոհամմադռեզա Աշտիանին, մեկնաբանելով Հայաստանի և Ադրբեջանի միջև լարվածությունը, ասել է. «Տարածաշրջանում պատերազմ չի լինի, իսկ աշխարհաքաղաքական հարցերի վերաբերյալ մեր հանրապետության դիրքորոշումը պարզ է։ Մենք տարածաշրջանում աշխարհաքաղաքական ոչ մի փոփոխություն չենք ընդունելու, և դա բոլորը գիտեն»։

Վլադիվոստոկում ընթացող Արևելյան տնտեսական ֆորումի ժամանակ Ռուսաստանի էներգետիկայի նախարար Նիկոլայ Շուլգինովը РИА Новости-ի հետ հարցազրույցում նշել է, որ դիտարկում են Ադրբեջանի տարածքով Հայաստան, իսկ այդտեղից Իրան և այլ երկրներ էլեկտրաէներգիա մատակարարելու հնարավորությունը։ Նրա խոսքով՝ առաջին փուլում Ռուսաստանը պայմանավորվում է Թեհրանի և Բաքվի հետ՝ օգտագործելու առկա ենթակառուցվածքները՝ առանց նոր շինարարության։ Նախարարը նշել է, որ խոսքը 300 […]