Հայաստանի արտգործնախարարությունը ցավակցություն է հայտնել Հարավային Կորեայում տեղի ունեցած ինքնաթիռի կործանման կապակցությամբ։ Արտաքին գերատեսչության X-ի միկրոբլոգում գրված է․ «Խորապես վշտացած ենք Հարավային Կորեայի Մուան միջազգային օդանավակայանում տեղի ունեցած ողբերգության՝ ինքնաթիռի կործանումից, որը խլել է շատ կյանքեր։ Մեր ցավակցությունն ու կարեկցանքն ենք հայտնում զոհվածների ընտանիքներին և մաղթում շուտափույթ ապաքինում վիրավորներին»:

Երգիչ-երգահան Ռիչարդ Մադլենյանը տեսանյութ է հրապարակել կից գրելով. «Այո, ես գալիս եմ… Գալիս եմ եւ ինձ հետ բերում եմ սեր, սեր ու մի փոքր ծաղկեփունջ, քանզի սիրուց առավել հանճարեղ ու գեղեցիկ բան մարդն ու տիեզերքը դեռ չեն ստեղծել։ Շուտով միասնության ու սիրո մի համեստ կոչ կանեմ բոլորիս եւ մեր սիրելի Երեւանին»։

Դեկտեմբերի 30-ին օրվա երկրորդ կեսին կհայտարարեմ հրաժարականի վերաբերյալ որոշմանս մասին։ Այս մասին «Հայկական ժամանակ»-ի հետ զրույցում ասաց ԿԳՄՍ փոխնախարար Կարեն Գիլոյանը։ «Դեկտեմբերի 30-ին քննարկում ունեմ WADA-ի նախագահի հետ: Ինչպես գիտեք, ես ընտրվել եմ Համաշխարհային հակադոպինգային գործակալության (WADA) հիմնադրամի խորհրդի անդամ, ինձ ավելի լայն հնարավորություններ է առաջարկում: Եթե մինչեւ դեկտեմբերի 30-ը գամ համաձայնության, տոներից հետո հավանաբար […]

Հենրիխ Մխիթարյանի գրառումը․ «Շնորհակալ եմ բոլոր քվեարկողներին ինձ Հայաստանի Հանրապետությունը լավագույնս հանրահռչակած Մարզիկ և Հայաստանի Լավագույն Ֆուտբոլիստ ճանաչելու համար: Երախտապարտ եմ ինձ հավատացողներին, ինձ երկրպագողներին և իմ հաջողություններով ուրախացողներին»։

Սալոմե Զուրաբիշվիլին հայտարարել է, որ կլքի Աթոնելիի նախագահի իր նստավայրը։ «Ես հեռանում եմ այստեղից և ինձ հետ վերցնում եմ լեգիտիմությունը», – ասել է Զուրաբիշվիլին ճեպազրույցի ժամանակ։ Նա նշել է, որ կհեռանա նախագահի նստավայրից Կավելաշվիլիի երդմնակալությունից հետո։ Նշենք, որ Վրաստանի խորհրդարանի շենքում այս պահին ընթանում է Վրաստանի 6-րդ նախագահ Միխայիլ Կավելաշվիլիի երդմնակալության արարողությունը։

Վահրամ Աթանեսյանը գրել է. «Երեկ 1in.am-ին հարցազրույցում ԱԺ պաշտպանության հարցերի հանձնաժողովի նախագահ Անդրանիկ Քոչարյանը մի քանի անգամ հռետորական հարցադրում արեց, թե ինչու՞ առաջին պատերազմից հետո Լեւոն Տեր-Պետրոսյանը «Ղարաբաղի հարցը չլուծեց»: Լուծումն ինչպե՞ս է լինում: 1994թ. ԵԱՀԿ Բուդապեշտի գագաթաժողովը լեգիտիմացրեց հրադադարի եռակողմ համաձայնագիրը, Լեռնային Ղարաբաղը ճանաչեց հակամարտության կողմ: Նույն տեղում աշխարհի հիսունից ավելի երկրներ, այդ թվում՝ […]

Դեկտեմբերի 28-ին՝ ժամը 19:30-ի դրությամբ, Թալինի, Անիի, Աբովյանի, Հրազդանի, Ապարանի, Արագածի տարածաշրջաններում թույլ ձյուն է տեղում։ Սևանի թերակղզուց մինչև Դիլիջանի թունելի սկզբնամաս բուք է։Սարավանի և Վարդենյաց լեռնանցքները դժվարանցանելի են կցորդով տրանսպորտային միջոցների համար։ Սիսիանի «Զանգեր» կոչվող հատվածում և Լծեն-Տաթև ճանապարհահատվածում տեղ-տեղ մերկասառույց է։ Միջպետական և հանրապետական նշանակության բոլոր ավտոճանապարհները բաց են։ Ճանապարհաշինարարներն ավտոճանապարհներին իրականացնում են […]