ՀՀ Քննչական կոմիտեից հայտնում են, որ զինծառայողի մահվան դեպքի առթիվ 2026 թվականի հունվարի 14-ին նախաձեռնված քրեական վարույթի նախաքննության ընթացքում մեկ անձի նկատմամբ հարուցվել է հանրային քրեական հետապնդում՝ Քրեական օրենսգրքի 522-րդ հոդվածի 2-րդ մասի 2-րդ և 3-րդ կետերով (զինծառայողին անզգուշությամբ ինքնասպանության հասցնելը): Վերջինս ձերբակալվել է: Նրա նկատմամբ կալանքը որպես խափանման միջոց կիրառելու վերաբերյալ միջնորդություն է ներկայացվել […]

ԱԺ նախագահ Ալեն Սիմոնյանը ճեպազրույցում անդրադարձել է Թուրքիայի ԱԳ նախարար Հաքան Ֆիդանի հայտարարություններին։ «Շնորհակալություն եմ հայտնում Թուրքիայի ԱԳ նախարարին և բոլոր այն մեր տարածաշրջանային գործընկերներին, որոնք աջակցում են ՀՀ-ի հանրության մեծամասնության՝ խաղաղության գնալու և TRIPP-ի շրջանակներում այդ առևտուրը զարգացնելու կոչերին»,- ասել է նա։

Չինաստանը հունվարի 1-ին ամբողջությամբ դադարեցրել է Ռուսաստանից էլեկտրաէներգիայի ներմուծումը՝ հրաժարվելով գնել նույնիսկ նվազագույն պայմանագրային ծավալները (մոտավորապես 12 մեգավատ), հաղորդում է «Կոմերսանտը»՝ հղում անելով իրավիճակին ծանոթ աղբյուրներին։ «Կոմերսանտի» աղբյուրները մատակարարումների դադարեցման հիմնական պատճառը նշել են արտահանման գների աճը, որը գերազանցել է Չինաստանում էլեկտրաէներգիայի ներքին գները, ինչը հետագա գնումները դարձրել է Պեկինի համար անշահավետ։

Հայաստանում անհետ կորած անձ կհամարվի զինծառայողը կամ զինծառայության մեջ չգտնվող անձը, այդ թվում` կամավորական անձը, որն անհետացել է ռազմական գործողությունների հետևանքով ստեղծված պայմաններում կամ զինադադարի, կամ ռազմական գործողություններին հաջորդող խաղաղ պայմաններում։ Այդ մասին ՀՀ ԱԺ պաշտպանության և անվտանգության հարցերի մշտական հանձնաժողովի հերթական նիստի ժամանակ ասաց արդարադատության նախարար Սրբուհի Գալյանը` ներկայացնելով «Ռազմական գործողությունների հետևանքով ստեղծված պայմաններում […]

87 հոգի օգտվել է 17 մլն դրամ վճարելու կետից, ազատվել է ծառայությունից և չի ծառայել: Մոտ 38-ը՝ օգօստոսի 1-ի դրությամբ, ծառայել է 1 ամիս, վճարել է 8 մլն դրամ: Ունենք նաև 9 տղաներ, ովքեր ծառայել են 2 տարի ժամկետով և որևէ գումար չեն վճարել: Այս մասին ԱԺ պաշտպանության և անվտանգության հարցերի հանձնաժողովի նիստի ժամանակ ասել […]

Աշխատանքի և սոցիալական հարցերի նախարար Արսեն Թորոսյանը սոցցանցի իր էջում գրել է. «Իհարկե կարելի է թալանել երկիրը և ստանալ 1 դրամ աշխատավարձ։ Ուղիղ այդպես էլ արել են ու չեն թաքցնում, որ նորից անելու են, եթե այդ հնարավորությունը ունենան։ Չեք ունենալու հարգելիներս, նորից թալանելու հնարավորություն դուք պարզապես չեք ունենալու»։

«Մեր ձևով» ժողովրդական շարժման համակարգող Նարեկ Կարապետյանը գրում է․ «Այս քաղաքում կառուցվել է նավթավերամշակման գործարան: (Սաուդյան Արաբիա) Մինչ գործարանի կառուցումը բնակչությունը կազմում էր 65 000 մարդ, իսկ գործարանի կառուցումից հետո այն աճել է մինչև 330 000 մարդ:Քաղաքում չկա գործազրկություն. Ստեղծվել են բազմաթիվ աշխատատեղեր, ինչը նպաստել է աշխատավարձերի աճին: Վանաձորին երկրորդ շունչ տալու համար մենք, պետական […]