Միայն երեկ Հայաստանից ծիրանով բեռնված 96 բեռնատար մտել է ՌԴ։ Այս մասին ֆեյսբուքյան էջում գրել է ՀՀ էկոնոմիկայի նախարար Գևորգ Պապոյանը։ «Ընդհանուր առմամբ հունիսի 1-ից մինչև 24-ը մեր ծիրանով բեռնված 598 մեքենա հատել է ՌԴ մաքսային սահմանը։ Այսպիսով արձանագրում եմ, որ այս պահին ծիրանի արտահանման հետ կապված խնդիրներ չունենք»,- գրել է նա։

Լրագրող Թաթուլ Հակոբյանը գրել է. Թարմ ուղեղով՝ դառը սուրճի հետ Հայաստանի վարչապետը շատ վաղուց արդեն չունի այնպիսի հեղինակություն, որպեսզի փողոցով հարցեր լուծի: Օրինակ, 2018-2019 թվականներին, Նիկոլ Փաշինյանը կարող էր փողոցով նոր կաթողիկոս բերել, մանավանդ, որ մի քանի թեմակալ առաջնորդներ, ովքեր այսօր քննադատում են վարչապետին, նույն վարչապետի մոտ պատվիրակություններ էին ուղարկում՝ առաջարկելով Նոր Հայաստանում ունենալ նոր […]

Հիմնանորոգվում է Խնձորեսկ-Ներքին Խնձորեսկ ավտոճանապարհի կմ0+000-կմ10+100 հատվածը։ Այս մասին հայտնում են «Ճանապարհային դեպարտամենտ» հիմնադրամից։ Նորոգվող 10.1կմ-ից 8կմ հատվածում արդեն տեղադրվել է ասֆալտբետոնե ծածկի ներքին շերտը։ Ըստ նախագծի՝ նախատեսված է տեղադրել երկշերտ ասֆալտբետոնե ծածկ։

Հինգ իրավապաշտպանների նախաձեռնությունը հայտարարություն է տարածել. «Այս պահին «Հինգ իրավապաշտպանների նախաձեռնության» անդամներն առանձին-առանձին գտնվում են ընդդիմադիր հայացքներ ունեցող քաղաքացիների բնակարաններում, որտեղ իրականացվում են խուզարկություններ։ Առանձին ուշադրության է արժանի այն փաստը, որ «Սրբազան պայքար» շարժման առաջնորդ Բագրատ Սրբազանի կեցավայրում իրականացվող խուզարկությանը մասնակցում են նաև ՀՀ Ազգային անվտանգության ծառայության դիմակավորված հատուկջոկատայիններ»։

Իրանում ոչ ոք չի հրաժարվի միջուկային ծրագրից՝ թափանցիկ ծրագրից, որը գտնվում է ՄԱԳԱՏԷ-ի վերահսկողության ներքո. Հայտարարել է Իրանի ԱԳ նախարար Սեյեդ Աբբաս Արաղչին «Ալ-Արաբի Ալ-Ջադիդ»-ի հետ զրույցում։ «Այս ագրեսիաներն ավելի են ամրապնդել Իրանի վճռականությունը: Մեր երկիրը և գիտնականները տարիներ շարունակ հաստատակամորեն պաշտպանել են մեր միջուկային ծրագիրը՝ չնայած պատժամիջոցներին, իսկ այժմ նաև պատերազմին»,- ասել է նա: […]

ՀՅԴ ԳՄ ներկայացուցիչ Իշխան Սաղաթելյանը հայտարարություն է տարածել. «Այս պահին ԱԱԾ դիմակավորված անձինք ապօրինի խուզարկություն են իրականացնում նաև «Հայաստան» խմբակցության պատգամավոր Արթուր Սարգսյանի տանը»։

ՀՀ վարչապետ Նիկոլ Փաշինյանը սոցցանցի իր էջում գրել է. «Իրավապահները կանխեցին Հայաստանի Հանրապետությունը ապակայունացնելու եւ իշխանությունը բռնազավթելու «քրեաօլիգարխիակղերական» խոշոր ու եղկելի պլանը»։ Նա հրապարակել է Քննչական կոմիտեի հաղորդագրությունն այն մասին, որ «Սրբազան պայքար» անվանումով շարժման մասնակիցները և ղեկավարները պլանավորել էին ՀՀ-ում իրականացնել ահաբեկչական և իշխանությունը զավթելուն ուղղված գործողություններ։