Այսօր Ագային ժողովում ՀՀ վարչապետ Նիկոլ Փաշինյանը, արձագանքելով «Քաղաքացիական պայմանագիր» խմբակցության պատգամավոր Սարգիս Խանդանյանի հայ-թուրքական հարաբերությունների վերաբերյալ հարցին, նշեց, որ հատուկ ներկայացուցիչները պայմանավորվել են, որ գործընթացը պետք է տեղի ունենա առանց նախապայմանների:
«Մենք այդպես էլ ընկալում ենք և պրոցեսը շարունակում ենք այդ տրամաբանությամբ: Նաև միջազգային մեր գործընկերների հետ քննարկումներում ասում ենք, որ մենք տպավորություն ունենք, որ գործընթացը կարող է և արագ արդյունքներ չունենալ, բայց եթե գործընթացը արագ արդյունքներ չունենա, շատ մեծ է հավանականությունը, որ այդ գործընթացը կլճանա, և մենք մեր կողմից պետք է ամեն ինչ անենք, որ դա տեղի չունենա, և մենք կարողանանք փոքր քայլերով առաջ շարժվել»,- ասաց նա:
Վարչապետն ասաց, որ մենք հասկանում ենք բոլոր խութերը, բոլոր ռիսկերը և միևնույն ժամանակ այդ տրամաբանությամբ կարծում ենք, որ խոսակցությունը պետք է շարունակվի և դառնա երկխոսություն:
Ինչ վերաբերում է միջազգային աջակցությանը հայ-թուրքական հարաբերությունների գործընթացին, Նիկոլ Փաշինյանն ասաց. «Դիմադրություն գործնականում չկա գործընթացի վերաբերյալ, մենք տեսնում ենք լիարժեք աջակցության ցանկություն մեր միջազգային գործընկերների կողմից, այլ բան, որ պետք է շատ զգույշ լինել այդ աջակցության գործիքների ձևերի, չափերի մեջ, քանի որ, այնուամենայնիվ, խոսքը երկկողմ հարաբերությունների մասին է: Այդ հարաբերությունները շատ մեծ նշանակություն ունեն միջազգային համատեքստի և տարածաշրջանի համատեքստի համար, այնպես որ մենք երկկողմ մակարդակով խոսակցությունը տանելով պետք է օգտվենք նաև միջազգային աջակցությունից»,- ասաց նա:
Իսրայելի պաշտպանության բանակը Լիբանանից մոտ 90 հրթիռի արձակում է արձանագրել երկրի հյուսիսային տարածքներ, չորեքշաբթի հայտնել…
Վարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել են էլեկտրաէներգիայի մատակարարման որակի…
Ուկրաինայի նախագահ Վոլոդիմիր Զելենսկին պատրաստ է որդեգրել ավելի ճկուն մոտեցում և քննարկել Ռուսաստանի հետ բանակցությունների…
Ֆլորիդայում մեկ օրվա ընթացքում կանխատեսվում է Երևան քաղաքում 10 ամսվա ընթացքում թափվող տեղումների քանակ: Այս…
Թուրքական ավիաուղիներ ընկերության օդաչուն Սիեթլ-Ստամբուլ չվերթի ժամանակ մահացել է, հայտնում են տեղի լրատվամիջոցները։ Նշվում է,…
Իսրայելի պաշտպանության նախարար Յոավ Գալանտը հետաձգել է չորեքշաբթի նախատեսված այցը Միացյալ Նահանգներ՝ վարչապետ Բենիամին Նեթանյահուի…