«Հարգելի գործընկերներ,
Որոշում եմ կայացրել որպես Սահմանադրական բարեփոխումների մասնագիտական հանձնաժողովի անդամ՝ գործունեությունս իրականացնել անհատույց, ուստի հրաժարվում եմ այդ նպատակով նախատեսված իմ ամբողջ վարձատրությունից։
Ողջ մասնագիտական կյանքս նվիրել եմ Հայաստանում սահմանադրագիտության, նշված ոլորտում իրավական կրթության եւ պրակտիկայի զարգացմանը, սահմանադրական պատշաճ ավանդույթների ձեւավորմանն ու արմատավորմանը։ Ուստի սահմանադրական բարեփոխումների գործընթացին մասնակցությունս դիտարկում եմ որպես իմ գիտելիքներն ու փորձառությունը մեր երկրի սահմանադրական անվտանգությանն ու կայունությանը անհատույց ծառայեցնելու միջոց։
Նկատի ունենալով այն, որ վարձատրության առյուծի բաժինը տրամադրվելու է պետական բյուջեից, չեմ կարող պետության համար նման օրհասական պահին ինձ թույլ տալ օգտվելու նշված ֆինանսական միջոցներից։ Միեւնույն ժամանակ, անելու եմ առավելագույնը՝ մեր երկրի սահմանադրական անվտանգությունն ու կայունությունը պահպանելու եւ ամրապնդելու տեսանկյունից։ Այդ առումով շնորհակալ եմ իմ բոլոր գործընկերներին, ինձ ճանաչող բոլոր մարդկանց, Սահմանադրական բարեփոխումների խորհրդին՝ մասնագիտական գիտելիքներիս, փորձառությանս եւ անձնային հատկանիշներիս նկատմամբ անվերապահ վստահության համար։
Հնարավորության դեպքում խնդրում եմ իմ վարձատրության համար նախատեսված գումարն ուղղել Հայաստանում սահմանադրական իրավունքի ոլորտում գիտությանն ու կրթությանը վերաբերելի որեւէ կարեւոր բնագավառի զարգացմանը»,- գրել է Սահմանադրական բարեփոխումների մասնագիտական հանձնաժողովի անդամ, իրավաբանական գիտությունների թեկնածու, դոցենտ Անահիտ Մանասյանը։
Ճանապարհին որոշակիորեն կորցնելով ուժգնությունը՝ «Կիրկ» փոթորիկը հասել է Եվրոպա։ Ատլանտյան օվկիանոսի վրա ձևավորված փոթորիկն անցել…
Ս․թ․ հոկտեմբերի 4-ին Երևանի Հանրապետության հրապարակում տեղի է ունեցել WCIT 2024-ի բացման հանդիսավոր արարողությունը, որի…
Ուսուցիչները կկարողանան ատեստավորման մասնակցել էլեկտրոնային եղանակով. կառավարության նիստում ընդունվել է համապատասխան որոշումը։ ԿԳՄՍ նախարար Ժաննա…
Կառավարության որոշմամբ կավելացվի Հայաստան 0% մաքսատուրքով էլեկտրոմոբիլի ներմուծման քվոտան։ Ինչպես տեղեկացրել է էկոնոմիկայի նախարար Գևորգ…
Առաջարկում ենք 1 մլրդ 391 մլն դրամ հատկացնել մարզպետների աշխատակազմերին՝ 20 սուբվենցիոն ծրագրեր համաֆինանսավորելու համար:…
Հոկտեմբերի 9-ին ՀՀ էկոնոմիկայի նախարար Գևորգ Պապոյանի նախագահությամբ կայացել է ՀՀ շուկայի վերահսկողության տեսչական մարմնի…