Ռուսաստանի նախագահ Վլադիմիր Պուտինն Իսրայելի վարչապետ Նաֆթալի Բենեթի հետ հեռախոսազրույցում ներողություն է խնդրել հրեաների և հակասեմիտիզմի մասին արտաքին գործերի նախարար Սերգեյ Լավրովի խոսքերի համար:
Ըստ Իսրայելից ստացված հաղորդագրության, վարչապետն ընդունել է ներողությունը և շնորհակալություն է հայտնել «հրեա ժողովրդի և Հոլոքոսթի պատմության հանդեպ Ռուսաստանի նախագահի վերաբերմունքի համար»:
Կրեմլի կայքում Պուտինի և Բենեթի հեռախոսազրույցի մասին հաղորդագրությունում ներողություն հայցելու փաստի մասին տեղեկություն չկա և ընդամենը նշվում է, որ նախագահը շնորհավորել է վարչապետին Իսրայելի Անկախության օրվա կապակցությամբ և նրա հետ քննարկել է Ուկրաինայի խնդիրը:
Մայիսի 1-ին Լավրովը հարցազրույցում Ուկրաինայի նախագահ, ծագումով հրեա Վլադիմիր Զելենսկուն համեմատել էր ֆաշիստական Գերմանիայի առաջնորդ Ադոլֆ Հիտլերի հետ և ասել, թե 6 միլիոն հրեաների սպանդ իրականացրած Հիտլերն էլ հրեայի արյուն ուներ:
«Իմաստուն հրեա ժողովուրդն ասում է, որ ամենավառ հակասեմիտները, որպես կանոն, հրեաներ են», – ասել էր Լավրովը:
Նրա այդ հայտարարությունն աննախադել վրդովմունք է առաջացրել Իսրայելում, որտեղ Լավրովին մեղադրել են ստախոսության և ռասիզմի մեջ:
Իսրայելի արտաքին գործերի նախարարությունը պարզաբանումներ ստանալու համար կանչել էր Ռուսաստանի դեսպան Անատոլի Վիկտորովին և նրան բողոք հայտնել:
Աղբյուրը՝ Azatutyun.am:
ՀՀ ԱԳՆ-ն ՆԱՏՕ-ի հետ համագործակցության 30-ամյակի կապակցությամբ X-ի պաշտոնական միկրոբլոգում գրառում է կատարել: «Միասին մենք…
ԵԽԽՎ աշնանային նստաշրջանի աշխատանքներին մասնակցել են ԱԺ պատգամավորները` կառույցում մեր երկրի պատվիրակության ղեկավար Ռուբեն Ռուբինյանիգլխավորությամբ:…
Սիրիան ցանկանում է միանալ BRICS-ին և արդեն անդամակցության հայտ է ուղարկել։ Այդ մասին հայտնել է…
Հոկտեմբերի 4-ին ՆԳ նախարարի տեղակալ Արփինե Սարգսյանն ընդունել է ԱՄՆ պետքարտուղարի կիբեռտարածության և թվային քաղաքականության…
Բաքվից արձագանքել են Հայաստանի ԱԳՆ հայտարարությանը՝ նշելով, թե իբր Երևանը փորձում է մոլորեցնել միջազգային հանրությանը:…
«Հըզբոլլահի» նոր ղեկավար Հաշեմ Սաֆիեդդինը մահացել է Իսրայելի հարվածի հետևանքով, տեղեկացնում է Al Arabiya-ն։ Նշվում…