Ֆինլանդիայի վարչապետն ու նախագահը հանդես են եկել ՆԱՏՕ-ին անդամակցելու հայտ ներկայացնելու օգտին
Ֆինլանդիայի նախագահն ու վարչապետը հայտարարել են, որ երկիրը պետք է անհապաղ ՆԱՏՕ-ին անդամակցելու հայտ ներկայացնի: Այս մասին հայտնում է Euronews-ը:
Նշվում է, որ Ֆինլանդիայի նախագահ Սաուլի Նիինիստոն և վարչապետ Սաննա Մարինը հանդես են եկել համատեղ հայտարարությամբ:
«Այս գարնանը ՆԱՏՕ-ին Ֆինլանդիայի հնարավոր անդամակցության մասին կարևոր քննարկում է տեղի ունեցել: Ժամանակ էր հարկավոր, որպեսզի խորհրդարանը և ողջ հասարակությունը հստակեցնեին իրենց դիրքորոշումն այս հարցում: Ժամանակ էր հարկավոր ՆԱՏՕ-ի, դրա անդամ երկրների, ինչպես նաև Շվեդիայի հետ միջազգային սերտ շփումների համար: Մենք ցանկանում էինք անհրաժեշտ քննարկումների համար տարածություն բացել:
Հիմա, երբ որոշում կայացնելու ժամանակը մոտ է, մենք հայտարարում ենք մեր համահունչ դիրքորոշման մասին՝ նաև խորհրդարանական խմբերի և կուսակցությունների համար: ՆԱՏՕ-ին անդամակցելը կուժեղացնի Ֆինլանդիայի անվտանգությունը: Դառնալով ՆԱՏՕ-ի անդամ՝ Ֆինլանդիան կամրապնդի ողջ պաշտպանական ալյանսը: Ֆինլանդիան անհապաղ պետք է ՆԱՏՕ-ին անդամակցելու հայտ ներկայացնի: Մենք հույս ունենք, որ նման որոշում կայացնելու համար դեռևս անհրաժեշտ քայլերը կարվեն արագ՝ առաջիկա մի քանի օրերի ընթացքում»,- ասված է հայտարարության մեջ:
Ֆինլանդիայի վարչապետ Սաննա Մարինը հայտարարել է, որ Ուկրաինայի հակամարտությունը ամեն ինչ փոխել է Ֆինլանդիայի անվտանգության տեսանկյունից, որը 1340 կիլոմետր երկարությամբ սահման ունի Ռուսաստանի հետ:
Հայտարարության հրապարակմանը զուգահեռ Եվրոպական խորհրդարանի արտաքին հարցերի հանձնաժողովում ելույթ է ունեցել Ֆինլանդիայի արտաքին գործերի նախարար Պեկա Հաավիստոն՝ հայտարարելով, որ Ուկրաինայում Ռուսաստանի գործողությունները փոխել են եվրոպական և ֆիննական անվտանգության ճարտարապետությունը: «ՆԱՏՕ-ի հետ Ֆինլանդիայի երկարաժամկետ համագործակցությունը սերտ է և լայնամասշտաբ, իսկ ՆԱՏՕ-ին անդամակցումը կամրապնդի անվտանգությունն ու կայունությունը Բալթիկ ծովի տարածաշրջանում»,- ասել է Ֆինլանդիայի արտաքին գործերի նախարարը:
Նշվում է, որ Շվեդիան նույնպես դիրքորոշում կարտահայտի ՆԱՏՕ-ին անդամակցելու հարցի վերաբերյալ:
Լրատվամիջոցը հաղորդում է, որ երկու երկրներում իշխող կուսակցությունները իրենց դիրքորոշումները կհրապարակեն առաջիկա հանգստյան օրերին:
Recent Posts
Իսրայելը շարունակում է հարվածները Լիբանանում և Գազայի հատվածում
ՑԱՀԱԼ-ը և «Հըզբոլլահը» հայտնել են փոխադարձ հարվածների մասին: Իսրայելական կողմի տվյալով՝ լիբանանյան շարժումը 70-ից ավելի…
ՀՀ-ի և ՌԴ-ի գլխավոր դատախազներն այցելել են Մատենադարան
Հայաստանի Հանրապետության գլխավոր դատախազ Աննա Վարդապետյանի հրավերով՝ Երևանում աշխատանքային այցով գտնվող Ռուսաստանի Դաշնության գլխավոր դատախազ…
Ալեն Սիմոնյանի ուղերձը Ուսուցչի օրվա առթիվ
Ալեն Սիմոնյանի ուղերձն Ուսուցչի օրվա առթիվ. Սիրելի՛ ուսուցիչներ, Հոկտեմբերի 5-ին աշխարհի մի շարք երկրներում նշվում…
Իրանի արտգործնախարարը պաշտոնական այցով մեկնել է Սիրիա
Մերձավոր Արևելքում լարվածության ֆոնին Իրանի արտգործնախարարը պաշտոնական այցով մեկնել է Սիրիա։ Նախատեսված են հանդիպումներ բարձրաստիճան…
Fastex-ը կազմակերպելու է WCIT-ի բացման համերգը․ ելույթ կունենա աշխարհահռչակ երգիչ Ջեյսոն Դերուլոն
Սույն թվականի հոկտեմբերի 3-ին Իսահակյան 9 հասցեում կայացել է Fastex-ի և WCIT նորարարության և տեխնոլոգիաների համաշխարհային…
Երևանի քաղաքապետարանի պատասխանը՝ ՄԻՊ-ի գրասենյակին
Ի պատասխան ՀՀ մարդու իրավունքների պաշտպանի «Երևանի քաղաքապետարանը խախտել է Լվովյան փողոցի բնակիչների իրավունքները»՝ այսօր…