Մեծ Բրիտանիան աշխարհում առաջին երկիրն է, որը հաստատել է կորոնավիրուսի Omicron շտամի դեմ պատվաստանյութը։ Այս մասին օգոստոսի 15-ին հայտնել է Բրիտանական դեղամիջոցների և առողջապահական արտադրանքի կարգավորող գործակալությունը (MHRA):
Դեղը մշակվել է ամերիկյան Moderna ընկերության կողմից։ Սա երկվալենտ պատվաստանյութ է, այսինքն՝ դրա չափաբաժնի կեսն ուղղվում է կորոնավիրուսի սկզբնական շտամին, մյուս կեսը՝ օմիկրոնին։ Նախատեսվում է օգտագործել մեծահասակների համար որպես խթանող դոզան։
Կլինիկական փորձարկումները ցույց են տվել, որ երկվալենտ պատվաստանյութը իմունային պատասխան է ստեղծում Omicron շտամի մի քանի տարբերակների նկատմամբ, և դրա կողմնակի ազդեցությունները նույնն էին, ինչ օրիգինալ Moderna կորոնավիրուսային պատվաստանյութը՝ մեղմ և ոչ բժշկական, ասել է MHRA-ն:
«Նոր երկվալենտ պատվաստանյութը ներկայացնում է կորոնավիրուսի դեմ պայքարի դեղամիջոցների մշակման հաջորդ քայլը, քանի որ այն ի վիճակի է առաջացնել ավելի լայն իմունային պատասխան, քան սկզբնական պատվաստանյութը», – ասաց Դեղերի հանձնաժողովի ղեկավար Մունիր Փիրմոհամեդը:
Financial Times-ը հայտնում է, որ Moderna-ն սկսել է պատվաստանյութ մշակել Omicron շտամի դեմ 2021 թվականի վերջին։ Բացի Մեծ Բրիտանիայից, դեղերի գրանցման հայտ է ներկայացրել ԵՄ-ում, Ավստրալիայում և Կանադայում: Մոդեռնան ասել է, որ երկվալենտ պատվաստանյութի առաջին չափաբաժինների մատակարարումը նախատեսվում է առաջիկա երկու շաբաթվա ընթացքում:
