Չարչյանի նկատմամբ որպես խափանման միջոց է ընտրվել բացակայելու արգելքը

«Իզմիրլյան» ԲԿ նախկին տնօրեն, ԱԺ «Հայաստան» խմբակցության պատգամավոր Արմեն Չարչյանի նկատմամբ որպես խափանման միջոց է ընտրվել բացակայելու արգելքը։

Այս մասին տեղեկանում ենք ՀՀ Քննչական կոմիտեից։

Արմեն Չարչյանին մեղադրանք ներկայացվել է երեկ։ Փաստաբան Էրիկ Ալեքսանյանը հայտնել էր, որ Չարչյանն առաջադրված մեղադրանքը չի ընդունել՝ որակելով այն ակնհայտ անհիմն ու անօրինական։

Հիշեցնենք, որ Արմեն Չարչյանի նկատմամբ քրեական հետապնդում է իրականացվում՝ ՊՊԾ գործով մեղադրյալ Արթուր Սարգսյանի՝ «Հաց բերողի» գործով ակնհայտ կեղծ բժշկական եզրակացություն տալու համար։

Ըստ դատախազության՝ Չարչյանը, ներգրավված լինելով «Հաց բերող» Արթուր Սարգսյանի նկատմամբ իրականացվող դատաբժշկական փորձաքննության հանձաժողովի կազմում, կեղծ եզրակացություն է տվել։