«Անխախտ եղբայրություն» զորավարժությունները, որոնք ի սկզբանե նախատեսվում էր անցկացնել Հայաստանում, կանցկացվեն Ղրղզստանում, երեքշաբթի հայտարարել է ՀԱՊԿ միացյալ շտաբի պետ Անատոլի Սիդորովը:
«Եզրափակիչ փուլում Ղրղզստանի Հանրապետության տարածքում նախատեսվում է ՀԱՊԿ խաղաղապահ ուժերի հետ համատեղ «Անխախտ եղբայրություն» զորավարժությունների անցկացում, որոնց ընթացքում կմշակվեն հետհակամարտությունների խնդիրները, ճգնաժամային գոտում կարգավորումը, խաղաղապահ գործողության անցկացումը ՀԱՊԿ Հավաքական անվտանգության համակարգի ուժերի և միջոցների կիրառմամբ՝ ի շահ խաղաղության և անվտանգության պահպանման»,- ասել է Սիդորովը մամուլի ասուլիսի ընթացքում:
Ավելի վաղ ՀՀ վարչապետ Նիկոլ Փաշինյանը հայտարարել էր, որ երկրի պաշտպանության նախարարությունը ՀԱՊԿ-ին տեղեկացրել է երկրում ՀԱՊԿ խաղաղապահ զորակազմերի «Անխախտ եղբայրություն-2023» զորավարժության անցկացման աննպատակահարմարության մասին: ՀԱՊԿ միացյալ շտաբում հաստատել են, որ ստացել են այդ տեղեկատվությունը և առաջարկություններ են մշակում ՀԱՊԿ այլ անդամ պետությունների տարածքում զորավարժություններ անցկացնելու վերաբերյալ:
