Հայաստանում գրանցված է 26615 ինքնակամ կառույց, որից 16264-ը՝ Երեւանում։ Այս մասին այսօր՝ փետրվարի 14-ին, լրագրողների հետ զրույցում ասաց Կադաստրի կոմիտեի գեոդեզիայի և հողաշինարարության վարչության պետ Գևորգ Մանուկյանը։
Նա պարզաբանեց, որ խոսքն ավտոտնակների, բնակելի շենքերի եւ արտադրական շինությունների մասին է։
Մանուկյանը հայտնեց, որ Երեւանում ինքնակամ կառույցների գրանցումն ավարտվել է 2023 թվականի հունվարի 1-ին։
Նա քաղաքացիներին խորհուրդ տվեց ավելի ակտիվ պլանավորել գործընթացը, քանի որ քաղաքներում շինությունների գրանցման ժամկետը սահմանված է մինչեւ 2024 թվականի հունվարի 1-ը, իսկ գյուղերում՝ մինչեւ 2025 թվականի հունվարի 1-ը:
«Դա թույլ կտա խուսափել հերթերից եւ գեոդեզիստների ծառայությունների գների աճից»,-ասաց նա։
