Հայաստանի առաջատար շախմատիստները փետրվարի 13-ից 26-ը ուսումնամարզական հավաք կանցկացնեն Արզնի առողջարանում, հայտնում է շախմատի ֆեդերացիայի մամուլի ծառայությունը:
Հավաքի մասնակիցներն են Համաշխարհային օլիմպիադայի եռակի չեմպիոն և փոխչեմպիոն Գաբրիել Սարգսյանը, կայծակնային շախմատի աշխարհի առաջնության բրոնզե մեդալակիր Հայկ Մարտիրոսյանը, Օլիմպիադայի փոխչեմպիոն Ռոբերտ Հովհաննիսյանը, Հայաստանի փոխչեմպիոն Մանուել Պետրոսյանը և գրոսմայստեր Շանթ Սարգսյանը:
Շախմատիստները նախապատրաստվում են Եվրոպայի անհատական առաջնությանը, որը կկայանա մարտի 2-14-ը Սերբիայում:
