Հայաստանի պատվիրակությունը ԱԳ նախարար Արարատ Միրզոյանի գլխավորությամբ երկրաշարժից տուժած Թուրքիայի Ադըյաման քաղաքում է։
Այս մասին թվիթերյան գրառմամբ հայտնել է Հայաստանի հետ հարաբերությունների կարգավորման Թուրքիայի հատուկ բանագնաց Սերդար Քըլըչը։
«Հայաստանից օգնության երկրորդ խմբաքանակի բեռնատարների դռները բացել են Ադըյամանի մեր օգնության խմբերը՝ Հայաստանի արտգործնախարար Արարատ Միրզոյանի հսկողությամբ, որը տարածաշրջան է ժամանել երկրաշարժից տուժածներին այցելելու»,- գրել է Քըլըչը՝ հայերեն հավելելով․ «Շնորհակալություն Հայաստան»։
