Կառավարության նիստից հետո ճեպազրույցի ժամանակ լրագրողները ԱԻ նախարար Արմեն Փամբուխչյանից հետաքրքրվել են, թե ինչ է արվում Հայաստանում սեյսմիկ անվտանգության պաշտպանության համար:
«Կատարվում է սեյսմիկ ռիսկի մոնիթորինգ ամբողջովին նոր սարքավորումներով:
Շինարարության մեջ խստացվել են կանոնները, բայց ոչ հիմա. արդեն երկար ժամանակ է, որ Երևանում շենքի նախագծումները կատարվում են 9 բալի համար:
Սա իր հերթին նպաստում է սեյսմիկ ռիսկի նվազեցմանը»,- ասել է ԱԻ նախարարը:
Ինչ վերաբերում է վթարային շենքերին, ըստ նախարարի, քաղաքապետարանը փուլ առ փուլ այդ շենքերի քանդման նախագծեր է բերում՝ տեղը նոր շենքեր կառուցելու և բնակիչներին նոր կառուցած շենքերում բնակեցնելու համար։
