44-օրյայի մասնակից այն զինծառայողները, որ անցած տարի բժշկասոցիալական փորձաքննության արդյունքում երկրորդ խմբից տեղափոխվեցին հաշմանդամության երրորդ խումբ, սոցիալական նոր երաշխիքներ կստանան: Բողոքները շատ էին, զինծառայողների ապահովագրության հիմնադրամի հատուցումներից զրկվելն առաջացրել էր վիրավորված տղաների դժգոհությունը: Աշխատանքի և սոցիալական հարցերի փոխնախարարն ասում է՝ պահանջն արդարացի էր, որոշվեց հարցին միջանկյալ լուծում տալ:
«Դրական երևույթ որպես, որ առողջացման պրոցես ա տեղի ունեցել, և բացասական երևույթ, որն իրենց անհանգստացրել է, ու հարցը բարձրացրել էին, այն գումարը, որը նախատեսած էր որպես հատուցում երկրորդ խմբի հաշմանդամության դեպքում, երրորդ խմբի դեպքում արդեն չի ստանում հիմնադրամից զինծառայողը:
Խոսքն այս պահին 114 զինծառայողի մասին է, երբ նախագիծն օրենք դառնա, նրանք մինչև 2026 թվականն աջակցություն կստանան պետական բյուջեից: Խաչատրյանը բացատրում է՝ կարգավորումը կգործի այնքան ժամանակ, քանի դեռ ամբողջական չի ներդրվել անձի ֆունկցիոնալության գնահատման մասին օրենքը»-նշել է ՀՀ աշխատանքի և սոցիալական հարցերի նախարարի տեղակալ Դավիթ Խաչատրյանը
Ամբողջական հոդվածը կարող եք կարդալ այս հասցեով՝ 1lurer.am
