«Դեմոկրատական այլընտրանք» կուսակցության Քաղաքական խորհրդի նախագահ Սուրեն Սուրենյանցը գրում է․
«Փաշինյանի պալատական «Դուգինը» փորձում է Լևոն Տեր-Պետրոսյանին մեղադրել Արցախում ռուսական ռազմական ներկայության, այսպես ասած, ինստիտուցիոնալ, գաղափարական հիմքերի ձևավորման համար:
Այս թեզը ֆունդամենտալ կեղծիք է:
Լևոն Տեր-Պետրոսյանը Հայաստանի չորս ղեկավարներից միակն է, ով սկզբունքորեն հանդես է եկել ԼՂ խնդրի բանակցային լուծման օգտին, ինչը ճիշտ հակառակը՝ էապես նպաստելու էր Հայաստանի սուբեկտության մեծացմանը և գերտերությունների, մասնավորապես՝ Ռուսաստանի տոտալ ազդեցության սահմանափակմանը Հայաստանում:
Ճիշտ հակառակը, բոլոր այն ղեկավարները, այդ թվում՝ Նիկոլ Փաշինյանը, որոնք մերժել են բանակցային լուծումը, ըստ էության՝ անվերահսկելի են դարձրել ռուսական վերահսկողությունը Հայաստանում և Արցախում: Այն պարզ պատճառով, որ Հայաստանը չուներ ինքնուրույն ռեսուրսներ՝ հարևան երկրների հետ հակամարտության ռեժիմը սպասարկելու համար:
Ինքներդ դատեք՝ ովքեր են իրական ռուսական «գործակալները»…
