Փաշինյանն ու Ալիևը կհանդիպե՞ն Մյունխենում

Մյունխենի անվտանգության համաժողովի շրջանակներում ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպման վերաբերյալ այս պահին պայմանավորվածություն չկա։

Այս մասին հայտնել են Վարչապետի աշխատակազմի Տեղեկատվության և հասարակայնության հետ կապերի վարչությունից։

Մեկ այլ հաղորդագրության համաձայն՝ Հայաստանը չի մասնակցի փետրվարի 18-ին Մյունխենյան համաժողովի շրջանակներում կայանալիք Հարավային Կովկասի անվտանգության վերաբերյալ պանելային քննարկմանը:

Այդ քննարկմանը կմասնակցեն ԵԱՀԿ գլխավոր քարտուղար Հելգա Մարիա Շմիդը, Վրաստանի վարչապետ Իրակլի Ղարիբաշվիլին և Ադրբեջանի նախագահ Իլհամ Ալիևը:

Հիշեցնենք՝ Մյունխենի անվտանգության համաժողովը, որին մասնակցելու է նաև ՀՀ վարչապետ Նիկոլ Փաշինյանը, տեղի կունենա Մյունխենում՝ 2023 թվականի փետրվարի 17-ից 19-ը: