Հայ փրկարարներն այսօր հրավիրված մամուլի ասուլիսին խոսել են Թուրքիայում իրենց նկատմամբ վերաբերմունքի մասին՝ նշելով, որ արժանացել են դրական վերաբերմունքի։
Ճգնաժամային կառավարման ազգային կենտրոնի օպերատիվ հերթափոխի պետ, փրկարար ծառայության փոխգնդապետ Գարիկ Աղրամանյանն ասել է, որ վերաբերմունքը շատ լավ էր։
«Շատ լավ էին վերաբերվում, շնորհակալություն էին հայտնում, որ գնացել էին ու աջակցում էինք, օգնում։ Օդանավից իջնելուց առաջին իսկ վայրկյանից միայն երախտիքի և շնորհակալության խոսքեր էին հնչում»,- նշել է Աղրամանյանը։
Թուրքիայում որոնողափրկարարական աշխատանքներին մասնակցած մյուս փրկարարները ևս հաստատել են, որ իրենց նկատմամբ միայն դրական վերաբերմունք է եղել, արժանացել են երախտիքի և գնահատանքի խոսքերի:
