Դերասան Ռաֆայել Երանոսյանը վթարի է ենթարկվել

Դերասան Ռաֆայել Երանոսյանը վթարի է ենթարկվել, հայտնում է shamshyan.com-ը:

Ըստ նախնական տեղեկությունների՝ վթարի մեղավորը եղել է «ՎԱԶ 2106»-ի վարորդը, որը դեպի Արմավիր ընթանալիս՝ Մեծամորի վարչական տարածքում, «Տոյոտա»-ի վարորդի համար ստեղծել է վթարային իրավիճակ, ինչն էլ դարձել է վթարի պատճառ։

«Տոյոտա»-ի վարորդը տեղում ենթարկվել է սթափության փորձաքննության. նա եղել է սթափ։

Վթարի հետևանքով «ՎԱԶ 2106»-ի վարորդն ու ուղևորը տեղափոխվել են ԲԿ, իսկ «Տոյոտա»-ի վարորդը՝ հայտնի հաղորդավար, դերասան Ռաֆայել Երանոսյանը, ինքն է դիմել հիվանդանոց՝ հետազոտման նպատակով:

Վթարի փաստով քննչական վարչությունում նախաձեռնվել է վարույթ։