Հռոմի Ֆրանցիսկոս պապը անդրադարձել է Ուկրաինա Ռուսաստանի լիածավալ ներխուժմանը։
Ամենշաբաթյա ընդհանուր ընդունելության ժամանակ հովվապետը հակամարտությունն անվանել է «անհեթեթ և դաժան պատերազմ»։
«Մենք տառապյալ ուկրաինացի ժողովրդին չենք թողնի առանց մեր աջակցության, բայց մենք պետք է հարցնենք ինքներս մեզ. արդյո՞ք հնարավոր ամեն բան արվել է, որպեսզի կանգնեցվի պատերազմը,- ասել է Ֆրանցիսկոսը։- Ես կոչ եմ անում պետությունների ղեկավարներին կոնկրետ ջանքեր գործադրել, որպեսզի վերջ տրվի հակամարտությանը, ձեռք բերվի հրադադար եւ սկսվեն խաղաղ բանակցություններ»։
Հիշեցնենք, որ երեքշաբթի Ուկրաինայի նախագահ Վլադիմիր Զելենսկին Ռուսաստանին մեղադրել էր Խերսոնում խաղաղ բնակիչների «անողորմ սպանության» մեջ հրթիռային հարվածից հետո, որի հետեւանքով զոհվել էր հինգ, վիրավորվել 16 մարդ։
