Հայաստանը չի մասնակցի Լաչինի միջանցքի բացման բանակցություններին, չի մասնակցի այս հարցի շուրջ բանակցություններին։ 2020 թվականի նոյեմբերի 9-ի հայտարարության համաձայն՝ Լաչինի միջանցքը պետք է հնարավորինս արագ ապաշրջափակվի եւ միջանցքի անխափան գործունեությունը վերականգնվի։ Հայաստանը այս գծին հավատարիմ է մնացել Մյունխենում եւ ցանկացած այլ վայրում։ Այս մասին ասել է Հայաստանի անվտանգության խորհրդի քարտուղար Արմեն Գրիգորյանը։
«Սպասում ենք Բաքվի արձագանքին։ Բայց արտատարածքային ենթատեքստը չի քննարկվի, դա կարմիր գիծ է Հայաստանի համար։ Ալիեւն ինքը վերջերս խոստովանեց, որ նոյեմբերի 9-ի հայտարարության համաձայն՝ Հայաստանի տարածքով միջանցքի մասին պայմանավորվածություն չկա։ Այսինքն՝ սա նրա հորինածն է, բայց նրա հռետորաբանությունը չի ազդել գործընթացների վրա եւ չի ազդի»,- նկատել է Գրիգորյանը։
Նա վստահեցրել է, որ այս հարցում բանավոր պայմանավորվածություններ չկան, Հայաստանը ստորագրել է նոյեմբերի 9-ի հայտարարությունները, երբ այս ձեւակերպումը հանվել է։
