«Մեր գոյության, գիտակցության, մեր ինքնության համար այսօր և ընդհանրապես Արցախը, Արցախի ու ողջ հայ ժողովրդի ինքնության և ինքնորոշման իրավունքն անսակարկելի է»,- «Արցախի Հանրապետության միջազգային ճանաչման հրամայականը» խորագրով գիտագործնական համաժողովի ժամանակ հայտարարեց Տավուշի թեմի առաջնորդ Բագրատ արքեպիսկոպոս Գալստանյանը։
Բագրատ սրբազանը փոխանցեց Վեհափառի ջերմ գնահատանքը, օրհնությունն այս նախաձեռնության առիթով։
Այնուհետև շեշտեց․ «Արցախի ժողովրդի ինքնության և ինքնորոշման իրավունքն այն բացարձակ սահմանագիծն է, որից այն կողմ մենք անցնել չենք կարող։ Այս իրականությունը գնահատում ենք «գողացված ուրախության իրականություն»։ Արցախի ինքնորոշման իրավունքը անսակարկելի է»։
