Ադրբեջանի արտգործնախարար Ջեյհուն Բայրամովը հայտարարել է, որ պաշտոնական Երեւանն ընդունելի չի համարել ադրբեջանա-հայկական պայմանական սահմանին անցակետ տեղադրելու Բաքվի առաջարկը։
Փետրվարի 22-ին, մեկնաբանելով Ադրբեջանի նախագահի խոսքերը Լաչինի միջանցքում անցակետ բացելու մասին, Հայաստանի արտգործնախարար Արարատ Միրզոյանը հայտարարել էր.
«Մեր պատասխանը հստակ է՝ Լաչինի միջանցքի կարգավորումները բանակցված են, ստորագրված են, այդ թվում՝ Ադրբեջանի նախագահի կողմից: Լաչինի միջանցքի կարգավորումների վերաբանակցում ուժի գործադրման սպառնալիքով մեզ համար չի կարող ընդունելի լուծում լինել»։
