ՔՊ–ական պատգամավոր Սերգեյ Բագրատյանն իր ֆեյսբուքյան էջում գրել է․
«Միայն լեգիտիմ ընտրված ղեկավարը կարող է լիարժեք իրացնել իրեն ընտրած ժողովրդի իղձերը և երազանքները։ Եվ երբ ընդդիմությունը բողոքում է, թե ժողովուրդն այս օրհասական պահին ոտքի չի կանգնում, պետք է ընդունի ժողովրդի հավաքական վստահությունն առ այն, որ իր ընտրված ղեկավարն անում և անելու է հնարավոր բոլոր քայլերը, իր երկիրն անվտանգ և բարեկեցիկ հանգրվան հասցնելու համար։
Եղել են, կան ու կլինեն կառավարման սխալներ ինչպես բոլոր երկրներում, այնպես էլ Հայաստանում։ Բայց ժողովուրդն իր ընտրյալների միջոցով և շնորհիվ այդ բացթողումները շտկելու համբերություն ունի։ Ժողովուրդը նաև գիտի, որ ամենահեշտը ոչինչ չանելն ու բողոքելն է, իսկ ամենադժվարը պայքարել և օգնելն է։
Այս հանգրվանում հիանալ կարելի է մեր պարզ քաղաքացիների պահվածքով Հայաստանում և Արցախում, ովքեր լիարժեք վստահում են իրենց լեգիտիմ իշխանությունների գործողություններին։ Սա է իրական ճանապարհը վերջնանպատակին հասնելու։
Խոնարհվում եմ մեր ժողովրդի բազմադարյան իմաստնության առաջ։
Հ.գ. Ազատ կամքով ժողովրդի ընտրությունը միակ ճիշտ ճանապարհն է հաջողության հասնելու բանաձևում»,- գրել է պատգամավորը:
