ԱԺ-ում քննարկվում է ՀՀ պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին օրենքում փոփոխություններ և լրացումներ կատարելու նախագիծն առաջին ընթերցմամբ ընդունելու հարցը:
Հիմնական զեկուցող Աշխատանքի և սոցիալական հարցերի նախարարի տեղակալ Դավիթ Խաչատրյանը՝ ներկայացնելով փոփոխությունների ընթացակարգը, ասել է, որ դրամական աջակցության է առաջարկվում սպայական զինծառայողներին՝ 75 000 դրամ, պայմանագրային և զորահավաքային կազմի զինծառայողներին և կամավորակններին՝ 50 000 դրամ, պարտադիր ժամկետային զինծառայողներին՝ 25 000 դրամ:
«44-օրյա պատերազմի հետևանքով 3-րդ խմբի հաշմանդամություն է սահմանվել 114 անձի, ովքեր նախկինում հանդիսացել են 2-րդ խմբի հաշմանդամներ և հետևաբար, ըստ մեր կանխատեսումների, նման իրավիճակում կարող են հայտնվել շուրջ 160 շահառու:
Սպայական կազմի համար պարգևավճար ստանում են պետությունից՝ 36 000 դրամ, իսկ զինվորական միջին կենսաթոշակը կազմում է 38 000 դրամ, արդյունքում՝ վերջինները կստանան շուրջ 150 հազար դրամ՝ երկրորդ խմբի հատուցման 200 հազարի դիմաց, պայմանագրային և ենթասպայակաան շարքային և կամավորագրվածների համար պետությունից ստանում են 36 հազար դրամ պարգևավճար և միջինում 30 հազար դրամ զինվորական կենսաթոշակ»,- նշել է Դ. Խաչատրյանը:
