Էկոնոմիկայի նախարարությունն առայժմ չի հստակեցնում Ամուլսարի հանքի շահագործման նպատակով եռակողմ հուշագրով նախատեսված 250 մլն դոլարի ստացման աղբյուրները։
Հայտնի է միայն, որ 100 միլիոնը ներդնելու է Եվրասիական զարգացման բանկը։
«Տեղական բանկը, որի կողմից կիրականացվի 50 միլիոն ներդրումը որոշվելու է հետագա փուլերում։ Մոտ 100 մլն դոլարի աղբյուրները եւ կհստակեցվեն հետագա փուլում»։
Առայժմ հայտնի չէ նաեւ, թե ե՞րբ է «Լիդիան Արմենիա» ընկերությունը նախատեսում սկսել հանքի շահագործումը։ «Լիդիան Արմենիա» ընկերությունը մասնակցելու է բնապահպանական մշտադիտարկման ծրագրին, որը նախատեսվում է մեկնարկել 2023 թվականին ակնկալվող ծրագրի շինարարական փուլը վերսկսելուց/շարունակելուց անմիջապես հետո, իսկ հանքի շահագործման աշխատանքները սկսելու ժամանակահատվածը դեռեւս պազ չէ»,– ասվում է Էկոնոմիկայի նախարարության պատասխանի մեջ։
«Լիդիան Արմենիա» ընկերության հանրային կապերի ղեկավար Մարգարիտա Ափրոյանը հայտնեց, որ հանքի տարածքում շինաշխատանքները կսկսվեն ֆինանսավորման գործընթացն ավարտելուց հետո։ Հանքի շահագործումն ըստ նրա՝ նախատեսված է 2024 թվականի ընթացքում։
