Մեկնարկվել է խորհրդարանի հերթական նիստը։ 69 գրանցված պատգամավորներն անցան օրակարգի հարցերի քննարկմանը՝ սկսելով «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» օրենքում լրացումներ կատարելու մասին նախագծի քննարկմանը:
ՆԳՆ նախարարի տեղակալ Արփինե Սարգսյանը հայտնեց, որ օրինագծով նախատեսվում է գործող միջոցներից զատ նաև տուժողի պաշտպանությունն իրականացնել էլեկտրոնային հսկողության ցանցի միջոցով:
Փոխնախարարի խոսքով՝ այդ նպատակով 200 էլեկտրոնային ձեռնաշղթայի հավաքածու ձեռք բերելու համար բյուջեից կհատկացվի 560 մլն դամ:
Պատասխանելով պատգամավոր Գեղամ Նազարյանի հարցին՝ Արփինե Սարգսյանը հայտնեց, որ 2022 թվականին արձանագրվել է ընտանեկան բռնության1547 դեպք, որից 619-ը՝ անհետաձգելի են եղել և 6-ի դեպքում պաշտպանության միջոցներ են կիրառվել:
Ընդդիմադիր պատգամավորը հարց բարձրացրեց, թե արդյոք ճիշտ չէր լինի կես միլիարդ դրամը այլ կարևոր խնդիրների համար ծախսել, օրինակ աճող թմրամոլության դեմ պայքարի:
