Գեղարքունիքի մարզի ծննդօգնություն իրականացնող բուժհաստատություններում 2023 թվականի փետրվարին գրանցվել է 94 ծնունդ՝ 49 տղա, 45 աղջիկ։
Ինչպես տեղեկացրին Գեղարքունիքի մարզպետարանի առողջապահության եւ սոցիալական ապահովության վարչությունից, 40 երեխա ծնվել է Մարտունու ծննդատանը, 23 երեխա՝ Սեւանի, 20 երեխա՝ Վարդենիսի, 10 երեխա՝ Գավառի բժշկական կենտրոններում, 1 երեխա՝ Ճամբարակի առողջության կենտրոնում։
2022 թվականի փետրվարին Գեղարքունիքի մարզի ծննդօգնություն իրականացնող բուժհաստատություններում գրանցվել էր 79 ծնունդ՝ 44 տղա, 34 աղջիկ, ինչը փաստում է, որ այս տարվա ծնունդներն ավելացել են 15-ով։
