ԱՄՆ վարչակազմն ընդլայնում է Ռուսաստանի դեմ պատժամիջոցների խախտումները հետաքննող դաշնային դատախազների աշխատակազմը: Այդ մասին անդրադարձել է «ՌԻԱ նովոստի»-ն։
Գլխավոր դատախազի օգնական Մեթ Օլսենի խոսքով՝ Արդարադատության նախարարությունը հակահետախուզական ծառայության և արտահանման վերահսկողության վարչությանը կավելացնի 25 նոր դատախազ։
Նոր դատախազները կաշխատեն կորպորացիաների հետ՝ պատժամիջոցներից խուսափելու դեպքերը հետաքննելու, ինչպես նաև խախտումների դեպքում ընկերությունների դեմ քրեական մեղադրանքներ ներկայացնելու համար։ Այս դատախազներից մի քանիսը նոր աշխատանքի են ընդունվել, իսկ որոշները վերաբաշխվել են այլ գերատեսչություններից:
