Հարգելի քաղաքացիներ, հայցում ենք ձեր ներողամտությունը մաքսազերծման և այլ խնդիրների պատճառով «Zhong Tong» և «MAN» ավտոբուսները Երևանում երթուղի դուրս կգան մայիս-հունիս ամիսներին: Այս մասին երեկ ֆեյսբուքյան իր էջում գրելմ էր Երևանի ավագանու անդամ Աշոտ Սարգսյանը:
Ֆեյսբուքյան օգտատեր Էդգար Բաբայանը, անդրադառնալով թեմային գրել է.
«Հանրությունը պարզաբանում է պահանջում, թե ընդհանրապես մի պրոցես, որն իրենից բացառապես թղթաբանություն է ներկայացնում, ի՞նչ խնդիր կարող է առաջանալ, որ 200-250 ավտոբուսի համար 3 ամիս հավելյալ ժամանակ պահանջվի, ընդ որում արդեն իսկ 1,5 ամիս էլ սպասել ենք, որ այս ավտոբուսները շահագործվեն, այն էլ այս ծայրահեղ իրավիճակում, երբ նոր տրանսպորտային ցանցի առկայությունը խիստ անհրաժեշտ է:
Պարզաբանում ենք պահանջում, մասնավորապես մաքսազերծման տնօրենից, թե ինչու՞մն է խնդիրը, որ մենք չենք կարողանում արագ տեմպերով, հանրության շահերի համար ծայրահեղ կարևորություն ներկայացնող ավտոտրանսպորտը դուրս բերել գիծ` շահագործման»,- գրել է Բաբայանը:
