Նոր Նորք վարչական շրջանում շարունակվում են ապօրինաբար զավթած տարածքների ազատման, կանաչ գոտիների վերականգնման աշխատանքները. տեղեկացնում է Նոր Նորք վարչական շրջանի ֆեյսբուքյան էջը։
«Գործընթացը լայնածավալ կարգով իրականացվում է 6-րդ զանգվածի բակերում։
Աշխատանքները կրելու են շարունակական բնույթ և ներառելու են վարչական շրջանի բոլոր զանգվածները։
Հորդորում ենք մեր բնակիչներին միանալ նախաձեռնությանը, իրականացնել ապամոնտաժման աշխատանքներ` բակերը մեր երեխաներին վերադարձնելու, ազատված տարածքներում հանրային կանաչ հանգստի գոտիների ստեղծելու համար»,- հայտնում են վարչական շրջանից։
