ԱՄՆ-ն Ուկրաինային 400 մլն դոլարի ռազմական օգնության նոր փաթեթ է հատկացրել: Այս մասին մարտի 3-ին հայտարարել է ԱՄՆ պետքարտուղար Էնթոնի Բլինքենը:
Ինչպես նշվում է Պետդեպարտամենտի մամուլի ծառայության կողմից տարածած գրավոր հայտարարության մեջ, օգնությունը կներառի զինամթերք HIMARS բազմակի հրթիռային համակարգերի համար, Bradley հետևակի մարտական մեքենաների զինամթերք։
Բլինքենը հավելել է, որ ամերիկյան կողմը մտադիր է աջակցել Ուկրաինային «այնքան ժամանակ, որքան պահանջվի»։ Բացի այդ, Վաշինգտոնը մտադիր է ուժեղացնել իր զինված ուժերը մարտի դաշտում, որպեսզի Կիևը «հայտնվի բանակցությունների սեղանի շուրջ ամենաուժեղ դիրքերում»։
