Մեծ Բրիտանիայից Եվրոպա գազի մատակարարումները կարևորագույն խողովակաշարերից մեկով՝ Interconnector-ով, մինչև մարտի 8-ը դադարեցվել են սարքավորումների խափանման պատճառով: Այս մասին գրում է «ՌԻԱ Նովոստի»-ն։ «Մեծ խողովակաշարով արտահանումը, որը բնական գազը բերում է Եվրոպա Միացյալ Թագավորությունից Բելգիայով, դադարեցվել է սարքավորումների խափանման պատճառով»,- ասվում է հայտարարության մեջ։
Նախնական հաշվարկներով՝ մատակարարումները դադարեցված են մինչև մարտի 8-ը։ Նշվում է, որ գազատարը ԵՄ-ի համար էներգետիկ ռեսուրսների կարևոր աղբյուր է դարձել Ռուսաստանից ներմուծման կրճատումից հետո։
