Ազգային ժողովի իշխանական խմբակցության պատգամավոր Արեն մկրտչյանը ֆեյսբուքյան իր էջում գրել է.
« Եվս մեկ սպասված նորություն. Մ6-Աթան ճանապարհահատվածի հիմնանորոգումը մեկնարկեց
27.5 կմ հատվածի հիմնանորոգման նախահաշվային արժեքը կազմել է շուրջ 3.8 մլրդ դրամ (շուրջ 10 մլն դոլար)։ Շինտեխնիկան տեղում է` կենտրոնացված Աթան և Քարինջ գյուղերում։
Որքան էլ տեղացիներին անհնարին էր թվում, խոստացել էինք, որ 39 տարի առաջ մասնակի ասֆալտապատված ճանապարհն ամբողջությամբ հիմնանորոգվելու է։ Գաղտնիք չէ, որ գործընկերներիս հետ տևական ժամանակ հսկայական ջանքեր ենք գործադրել այս ուղղությամբ։ Շնորհակալ եմ գործադիրի գործընկերներիս` ի դեմս ՏԿԵՆ նախարար Գնել Սանոսյանի, Լոռու մարզպետ Արամ Խաչատրյանի, ճան. դեպ. տնօրեն Գոռ Ավետիսյանի։
Եվս մեկ կարևոր նորություն. ճանապարհը նաև շուրջ 8 կմ ճյուղավորվելու է դեպի Մոտկորի գյուղախմբի գյուղեր` ընդհանուր շուրջ 800 մլն դրամ նախահաշվային արժեքով։ Մարց, Լորուտ, Քարինջ, Շամուտ, Ահնիձոր, Աթան գյուղերի սիրելի բնակիչներ, շնորհավորում եմ ձեզ և մեզ բոլորիս»
