Իրավապահները խուզարկում են Երևանի փոխքաղաքապետ Գևորգ Սիմոնյանի աշխատասենյակը, տեղեկատվությունը փոխանցեց քաղաքապետարանի լրատվության վարչության պետ Լևոն Սարդարյանը։
Թե խուզարկությունն ինչ քրեական գործի շրջանակում է, դեռ չի հաղորդվում։
Ըստ շրջանառվող տեղեկությունների՝ այս քրեական վարույթը նախաձեռնվել է քովիդի շրջանում չարաշահումների առիթով, երբ Գևորգ Սիմոնյանն առողջապահության փոխնախարարն էր։ Գործը հարուցվել է Հաշվեքննիչ պալատի ուսումնասիրությունների հիման վրա։
