Վրաստանի վարչապետ Իրակլի Ղարիբաշվիլին հանդիպել է Հայաստանի կրթության, գիտության, մշակույթի և սպորտի նախարար Ժաննա Անդրեասյանի հետ։
Ըստ Վրաստանի կառավարության վարչակազմի, հանդիպմանը քննարկվել են Վրաստանի և Հայաստանի միջև բազմակողմ հարաբերությունները և արդյունավետ համագործակցությունը։ Ընդգծվել է, որ Վրաստանին և Հայաստանին կապում է դարավոր պատմությունը և բարիդրացիական հարաբերությունները։
«Քննարկվել են կրթության եւ գիտության ուղղությամբ երկու երկրների միջեւ առկա համագործակցությունը եւ այդ առումով ապագա հարաբերությունների ընդլայնման հարցերը։ Նշվել է, որ վրացական կողմը ակտիվորեն համագործակցում է հայ գործընկերների հետ և ապագայում կշարունակի ջանքերը կրթության ոլորտում փորձի փոխանակման, կրթության որակի ապահովման և բարեփոխումների հարցերով աշխատելու ուղղությամբ։
Ընդգծվել է, որ Վրաստանի կառավարությունը հավատարիմ է մնում որակյալ կրթության հասանելիության բարձրացմանը։
Կառավարության վարչությունում տեղի ունեցած հանդիպմանը ներկա են եղել կրթության և գիտության նախարար Միխեիլ Չխենկելին և Վրաստանում Հայաստանի դեսպան Աշոտ Սմբատյանը»,- ասված է տեղեկատվության մեջ։
