Մարտի 14-ին, ժամը 16:00-ին Մոսկվայի Հայ Առաքելական Եկեղեցու Տիրոջ Պայծառակերպության տաճարում հոգեհանգստի արարողություն կկատարվի Արցախի Հանրապետության ՆԳՆ-ի զոհված ոստիկանների հիշատակին:
Այս մասին հայտնում է MosArmInfo լրատվական ծառայությունը։
«- Արմեն Բաբայան (փոխգնդապետ, ամուսնացած, ունի երկու երեխա):
– Դավիթ Դանիելյան (մայոր, ամուսնացած, ունի երկու երեխա):
– Արարատ Գասպարյան (լեյտենանտ, ամուսնացած, ունի մեկ երեխա)։
Մեր եղբայրները զոհվել են 2023 թվականի մարտի 5-ին՝ Արցախի Հայպալու կոչվող տարածքում հերթապահություն իրականացնելիս՝ ադրբեջանական զինուժի դիվերսիոն խմբի հանցավոր ներթափանցման հետեւանքով։
Մենք նրանց ճանաչում էինք որպես արժանավոր, պարկեշտ ու խիզախ սպաներ՝ Արցխի Հանրապետության բնակիչների կյանքի, անվտանգության եւ ազատության մարտիկներ։
Եկե՛ք եւ հրավիրե՛ք ձեր ընկերներին: Եկեք միասին աղոթենք Երկնքի Արքայության մեր մարտիկների հոգիների համար եւ բարոյական աջակցություն ցուցաբերենք նրանց ընտանիքներին ու ընկերներին…
Հավերժ հիշատակ Հերոսներին», – նշվում է հաղորդագրության մեջ։
