ՀՀ արդարադատության նախարար Գրիգոր Մինասյանը չի բացառել, որ խաղաղության պայմանագիրը կարող է անցնել հանրաքվեի ճանապարհով։
Լրագրողների հետ ճեպազրույցում նա ասել է. «Նման ինստիտուտի ներդրումը հնարավոր է։ Կարելի է սահմանադրական բարեփոխումների շրջանակում այդ հարցը քննարկել։ Եւ առաջին հանրաքվեի տեստը լինելու է նոր սահմանադրության ընդունումը։ Դրա շրջանակներում կարելի է քննարկել և առաջարկվելու է, որ շեմը որոշվի՝ որո՞նք են հարցերը, որ պետք է լուծվեն հանրաքվեով, բացի այն կարգավորումներից, սահմանադրական հոդվածներից, որ պարտադիր է փոփոխության ենթարկվել միայն հանրաքվեի շրջանակներում»։
