Թուրքական բիզնեսը կողմ է Ղրիմի հետ առեւտրային հարաբերությունների վերականգնմանը, ՌԻԱ Նովոստիին ասել է Թուրքիայում Ղրիմի բարեկամների ասոցիացիայի նախագահ, Թուրքիայի Ղրիմի թաթարների մշակութային ընկերությունների ֆեդերացիայի ղեկավար Ունվեր Սելը։
«Թուրք գործարարներից ինտենսիվ պահանջներ կան: Թուրքիան 300 միլիոն դոլարի վնաս է կրել Ղրիմի հետ առևտրային հարաբերությունների դադարեցման պատճառով: Հատկապես Սև ծովի ափին գտնվող քաղաքները զարգացրել են իրենց առևտրային հարաբերությունները լաստանավային ծառայության շնորհիվ», – ասել է Սելը:
Նրա խոսքով, նախապես պլաններ էին մշակվել Ղրիմի հետ լաստանավային հաղորդակցություն սկսելու համար, սակայն ուկրաինական իրադարձություններն իրենց ճշգրտումները կատարեցին։
«Մենք բանակցություններ ենք վարել Տրապիզոնի Առևտրաարդյունաբերական պալատի և Սև ծովի ափին գտնվող խոշոր քաղաքների գործարարների հետ լաստանավերի վերսկսման շուրջ: Մենք կապվել ենք իշխանությունների հետ, ովքեր կլուծեն այս հարցը: Մենք տեսանք, որ բոլոր կողմերը մեծ հույս ունեին: Սակայն անհրաժեշտ է վերացնել Ուկրաինայում ընթացիկ իրադարձությունների հետ կապված ռիսկերը, երբ այդ ռիսկերը վերացվեն, մենք նորից կսկսենք անհրաժեշտ նախաձեռնությունները»,- ասել է Սելը։
