Քաղաքականություն

Թշնամու սադրանքի վտանգը մեծ է․ Նաիրի Հոխիկյան

Լրագրող Նաիրի Հոխիկյանը ֆեյսբուքյան իր էջում գրել է․

«Ադրբեջանը Թուրքիայի աջակցությամբ զորքերի որոշակի կուտակումներ է արել Հայաստանի ու Արցախի առաջնագծի մոտ։ Թշնամու սադրանքի վտանգը մեծ է, բայց իմ կարծիքով, Ադրբեջանը փորձելու է խաբկանքով մեր ուշադրությունը շեղել դեպի Սիսիան, բայց իրականում փակել ևս մեկ ճանապարհ այլ վայրում։ Ադրբեջանը զորքի ու ծանր զինտեխնիկայի կուտակում է արել հատկապես Արցախի Ճանկաթաղի ու Կաշենի հանքի դիմաց։

Իմ կարծիքով, թշնամին փորձում է այլ վայրերում լարվածություն ստեղծելով, շեղել մեր ուշադրությունը և թուլացնել Մարտակերտը և Ստեփանակերտը կապող հիմնական ճանապարհի պաշտպանությունը։ Նայելով Ադրբեջանի զորքի տեղաշարժին ու հայտարարություններին’ ենթադրում եմ, որ թշնամին նպատակ ունի հանկարծակի ներխուժումով փակել Ճանկաթաղի խաչմերուկը և փաստացի Արցախը երկու մասի բաժանել, ինչից հետո կբացի Լաչինի միջանցքը։ Դա թշնամու տակտիկական հնարք կարող է լինել, որով կփորձի նախ խուճապ առաջացնել Արցախում, ապա նաև հասնել Կաշենի հանքի նկատմամբ հսկողության ու իր պահանջների կատարման ինչպես հայկական, այնպես էլ ռուսական կողմից։ Այս առումով դիմում եմ Արցախի ՊԲ սպայական կազմին ու հրամանատարությանը, Ճանկաթաղի խաչմերուկը և թշնամու զորքին մոտ ճանապարհի հատվածները առավել ուժեղ պետք է հսկել։

Ադրբեջանը կարող է մի քանի կրակոց արձակել, ասենք, Մարտունու ուղղությամբ, բայց հիմնական զորքի տեղաշարժ անել հենց Ճանկաթաղի խաչմերուկի կողմ։ Դա ոչ մի կերպ չպետք է թույլ տալ։ Կարծում եմ, նույնիսկ անհրաժեշտ է ռուսական խաղաղապահ զորքի մի քանի հատուկ ջոկատների հետ մշտական հսկողություն սահմանել ճանապարհին’ կանխելու թշնամու հնարավոր սադրանքը։ Սիրելի Արցախցիներ, սա ընդամենը վերլուծություն է’ հիմնված թշնամու քայլերի տրամաբանության վրա։ Պետք է թշնամուց մեկ քայլ առաջ մտածել»։

Թիվ 1

Recent Posts

ԵՄ-ն սկսել է պատրաստել ՌԴ-ի դեմ պատժամիջոցների 17-րդ փաթեթը

Եվրոպական Միությունը սկսել է ձևավորել Ռուսաստանի դեմ պատժամիջոցների 17-րդ փաթեթը․ գրում է EUobserver-ը՝ հղում անելով…

19 minutes ago

Քննարկվել է առողջապահական հաստատությունների կառուցման ծրագրերի ընթացքը

Վարչապետ Նիկոլ Փաշինյանի գլխավորությամբ տեղի է ունեցել քննարկում առողջապահական հաստատությունների կառուցման ծրագրերի վերաբերյալ: Առողջապահության նախարար…

33 minutes ago

Վաղը Արեգակի մասնակի խավարում կլինի

Վաղը Արեգակի մասնակի խավարում կլինի։ Այն անզեն աչքով տեսանելի կլինի արմտևյան և հյուսիսային Եվրոպայում, արևելյան…

55 minutes ago

Պուտինն ու Էրդողանը հեռախոսազրույց են ունեցել

Վլադիմիր Պուտինն ու Ռեջեփ Թայիփ Էրդողանը հեռախոսազրույց են ունեցել. այս մասին հայտնել են Թուրքիայի նախագահի…

1 hour ago

ԱՄՆ 60 կոնգրեսականներ Ռուբիոյին կոչ են արել դադարեցնել ռազմական օգնությունն Ադրբեջանին

Միացյալ Նահանգների ներկայացուցիչների պալատի 60 ներկայացուցիչներ, վկայակոչելով Բաքվի կողմից Լեռնային Ղարաբաղի 120 հազար բնիկ հայ…

2 hours ago

Սպասվում են կարճատև անձրև և ամպրոպ

Մարտի 28-ի ցերեկը, ապրիլի 1-ին Հայաստանում սպասվում է առանց տեղումների եղանակ։ Մարտի 29-31-ին, ապրիլի 2-ին…

2 hours ago