Փաստ է, որ պատերազմից 2 տարի անց մեր առաջնագիծը ամբողջությամբ կահավորված չէ, Ազատ գյուղում տեղի ունեցած ցույց տվեց, որ բարդ իրավիճակում ենք, մինչ օրս պատշաճ չի բացատրվել, թե ինչպես են 17-18 զինվորներ ապրել են այդքան փոքր տնակում:
Այս մասին այսօր՝ մարտի 15-ին, ԱԺ պաշտպանության եւ անվտանգության հարցերի հանձնաժողովում դիմելով ՊՆ նախարար Սուրեն Պապիկյանին ասաց «Հայաստան» խմբակցության պատգամավոր Աննա Գրիգորյանը:
Պապիկյանն ասաց, որ առաջնագիծն իդեալական չէ, բանակում կա հսկայական անելիք, այդ անելիքը հասցնելու է իր բարեհաջող ավարտին։
«Ուզում եմ հասկանալ՝ ինչքան ժամանակ է հարկավոր, որ սահմանների կահավորանքը հավուր պատշաճի իրականացվի եւ զինվորներն ապահով կարողանան իրենց զինծառայությունն իրականացնեն»,-ասաց նա:
