Պապիկյանը՝ հինգերորդ շարասյան մասին

ՀՀ պաշտպանության նախարար Սուրեն Պապիկյանը, անդրադառնալով պատերազմի ժամանակ հինգերորդ շարասյան գործունեության մասին ՀՀ վարչապետ Նիկոլ Փաշինյանի հայտարարություններին, ասել է. «Ես չեմ կարող առաջնորդների մասին խոսել, բայց ամենօրյա դեզինֆորմացիան, սխալ տեղեկությունների տրամադրումը, այդ թվում երբեմն տեղեկություններ, որոնց հրապարակումը հօգուտ թշնամու են, ո՞րն է նպատակը, եթե չի ուղղորդվում այլ երկրից, ընդ որում՝ կապ չունի որ երկրից։

Դրա հետ կապված դեռ նախաքննական, քննչական գործողությունների փուլ է տեղի ունենում։ Պատկան մարմինները երբ կտան գնահատականներ, երբ դատարանը կունենա որոշումներ, բոլորիս համար պարզ կլինի՝ ովքե՞ր են այդ մարդիկ, որ ներսից թուլացրել են բանակը»։

Ըստ Պապիկյանի, ներսից թուլացնելը դեռ չի նշանակում, որ այդ մարդիկ միայն ներսից են գործել. «Խոսքը վերաբերում է դրսի դրմամբ ներքին խարդավանքներին»։