«Թեև Հայաստանը 2022 թվականին Պրահայում և Սոչիում ճանաչեց Ադրբեջանի տարածքային ամբողջականությունն ու ինքնիշխանությունը, դեռևս ամբողջությամբ դուրս չի բերել իր զորքերը Ադրբեջանի տարածքներից։ Ղարաբաղում շարունակում են մնալ ապօրինի հայկական կազմավորումներ ու քրեական տարրեր», – այս մասին հայտարարել է Ադրբեջանի նախագահ Իլհամ Ալիևը՝ ելույթ ունենալով Անկարայում ընթացող թյուրքական պետությունների կազմակերպության գագաթնաժողովում։
«Հայաստանը խուսափում է նաև Զանգեզուրի միջանցքի բացման պարտավորությունից։ Այսպիսով, Հայաստանը կոպտորեն խախտում է 2020 թվականի նոյեմբերի 10-ին ստորագրված հայտարարությունը և դրա համար պետք է պատասխանատվության ենթարկվի»,- հայտարարել է Ալիևը։
Ալիևը նաև խոսել է, այսպես կոչված, «արևմտյան Ադրբեջանի» մասին՝ նշելով, որ «Հայաստանը փոխադարձության սկզբունքի հիման վրա պետք է ապահովի արևմտյան ադրբեջանցիների իրավունքներն ու անվտանգությունը»։
