Մոսկվայում քիչ առաջ մեկնարկել է Ռուսաստանի և Հայաստանի արտգործնախարարներ Արարատ Միրզոյանի և Սերգեյ Լավրովի հանդիպումը։
Ընդլայնված կազմով բանակցությունների մեկնարկին Հայաստանի արտաքին քաղաքական գերատեսչության ղեկավարը նշել է, որ Հայաստանն «ակնկալում է, որ դաշնակիցները ակտիվ քայլեր կձեռնարկեն, որպեսզի Ադրբեջանը կատարի ստանձնած պարտավորությունները և վերջ տա ուժի կիրառմանը»։
«Չկա եռակողմ հայտարարության որևէ դրույթ, որը Բաքուն խախտած չլինի», – հավելել Միրզոյանը։
Ռուսաստանի արտգործնախարարի պնդմամբ՝ «տարածաշրջանում իրադրության կայունացման բանալին Ռուսաստանի, Հայաստանի և Ադրբեջանի ղեկավարների կողմից 2020 թվականի նոյեմբերի 9-ի հայտարարությունն է»։
