ՀՀ վարչապետ Նիկոլ Փաշինյանն անդրադարձել է էթնիկ փոքրամասնություններով բնակեցված համայնքների խոշորացման գործընթացին։
Որոշ համայնքներ չեն խոշորացվել, քանի որ, ըստ Փաշինյանի, որոշ բնակավայրերի էթնիկ փոքրամասնություններն իրենք չեն ցանկացել դա՝ դրանում տեսնելով սպառնալիք համայնքի բնականոն կյանքի համար. «Սա գիտեինք, որ բերելու է որոշակի խնդիրների»,- ասաց նա։
Փաշինյանը նշեց, որ խոշորացված համայնքներում խոշորացված աշխատանքներ են իրանականացվում, քանի որ դրանց բյուջեների հնարավորություններն ավելի մեծ են, և նրանք սուբվենցիոն ծրագրեր ներկայացնելու հնարավորություն ունեն. «Լայնածավալ ծրագրերն իրականացվում են համայնքների ներկայացրած ծրագրերի հիման վրա: Համայնքը ֆինանսավորման մի մասն է ապահովում, մնացածը կառավարությունն է լրացնում, իսկ քանի որ չխոշորացվածներն այդ հնարավորությունը չունեն, ծրագրերի սահմանափակում է տեղի ունենում»:
