ՌԴ ԱԳՆ խոսնակ Մարիա Զախարովան, իր ամենշաբաթյա ասուլիսում անդրադառնալով հայ-ադրբեջանական բանակցային գործընթացին և լրագրողի հարցին, թե արդյո՞ք Մոսկվայում չեն կարծում, որ հայ-ադրբեջանական կարգավորման հարցը փակուղի է մտել, պատասխանել է.
«Մենք իրապես անհանգստացած ենք թշնամական հռետորաբանության, միջադեպերի ավելացմամբ, կողմերի՝ կոմպրոմիս գտնելու անպատրաստ լինելով, Լաչինի միջանցքի իրավիճակի չկարգավորմամբ։ Խաղաղության գործընթացին այլընտրանք չկա։ Մենք կողմերին զսպվածության կոչ ենք անում՝ իրենց հայտարարություններում, քայլերում, հորդորելով բանակցային բոլոր ուղղությունների վերականգնում՝ այդ թվում հաղորդակցությունների ապաշրջափակում, սահմանազատում և այլն»։
