«Նոր նորք» վարչական շրջանի ղեկավար Արմեն Մհերյանը մանրամասներ ներկայացրեց «Տորք Անգեղի» այգում իրականացվող շինարարական աշխատանքների մասին։
«Սովետական միության փլուզումից հետո առաջին անգամ է, որ այս չափի զբոսայգի է կառուցվում Երևան քաղաքում՝ գրեթե 1 կմ երկայնք ունեցող»,- ասել է Մհերյանը։
Ըստ վարչական շրջանի ղեկավարի՝ այգին կունենա բոլոր կոմունալ հարմարությունները՝ բիոզուգարաններ, վազքուղիներ, մանուկների համար նախատեսված հատվածներ, ամֆիթատրոն։
«Նախագիծը ուրբաթ օրը կտրվի վարչական շրջանին, և շինբարեկարգման կողմից հավանության արժանանալուց հետո մեկ շաբաթվա ընթացքում կտեղադրենք արդեն մրցույթի»,- ավելացրել է Արմեն Մհերյանը։
